Manuela Henne Uhwiesen

        

Manuela Henne mit Lord, FM und DeauvilleStar, Vollblut

 

min Werdegang in Sachä Pferd:

Dä "Kosi" han i immer uf äm Schuälwäg bsuächt. morgä/mittag und nami/abig!

und wän i mal nid hei cho bin, bin i sicher bim "Kosi" hangä bliebä ; ) 

 

          Kosi, 165cm, äs WB, 1. Liebe

 

und ändlich bin i 12i wordä, dän han i dörfä lehrä riitä, min grösstä Wunsch!

uf Isländer im Dorf bin i go lärnä, aber zwüschäd duurä au mol uf

grossi Ross gsässä. aber isch mir z'ahstrengend gsi, mit äm Velo knapp

8km zfahrä. nach ca. 20- 25 Riitstundä isch mir langwiilig wordä und ich bin 

uf zsuächi nach ämnä Pflegäpferd. han so einigi troffä bis i dän wiä dur äs

Wunder zu mim "Traumpferd" (Pflegepferd) cho bin, dä "Blubi" (BlueBird)! mit

ihm han i einigi spannendi Moment erläbt, ganz äs tolls Pferdle gsi. 2 1/2 jahr händ 

mir zämä verbracht, leider isch er dän vo sim Bsitzer wäg geh wordä. *süüfz*

 Blubi, 147cm, Sportpony, tolls rössli!

 

d'jahr sind so is Land zogä, ich bin i d'Lehr, han immer wieder chli äs Pferdel

gha, aber irgendwiä isch nüt meh feschts drus wordä, bis ich d'Luca kännä

glernt han (Isi-Stuätä). sie isch doch ziemlich äs eigäs wiibli gsi. mir händ

einigi Kämpf gha. aber leider nid sooo lang, will sie isch chrank wordä und

hät muässä iigschläfert werdä. und ihri Bsitzerin hät mir d'Schuld geh. vo dert

ah, han i gar gar gar nüt meh wellä mit Ross ztuä ha!!!!!!!!!!! nämli

ABER, 1. kommt es anders und 2. als man denkt!

     ARMAND, 172cm, CH, mis 1. eigäti Pferd 

bi ihm isch äs biz länger gangä, so z'sägä liäbi uf dä 2. Blick! aber dän däfür für

immer und ewig. er isch äs ganz schwierigs ross gsi, d.h eich eher sehr sehr sensibel.

mit ihm han i sehr viel glernt, aber au min 1. Riitunfall, mit Spital ufenthalt, han i mit

ihm erläbt. alli höchs und tiefs! ganz nach dem Motto, bis das der tod euch scheidet!

und so isch dän au gsi, ahfangs Sept. im jahr 2004 han i dän dä schwäri Gang zum

Metzger müässä goh *schluchz*

aber ich han ja scho "Ersatz" gha.   im 99i isch dä LORD bi mir glandät.

WOW, was für äs Rössli !!          

  Lord, 156cm, FM, 23.03.1996

 

s'Riiterbrevet han i im Jahr 1997 gmacht, mit äm Armand.

dä Silbertest han i am 25.08.07 erfolgrich bestandä. mit äm Lord dä gländeritt und

äm Donald (170cm, Irländer, 13 jährig, Riitschuälpferd) dä springparcours.

 

                                   ZURÜCK