Maxhuni: Imazhe sikurse dje, nuk do ti shihni

Drejtori i Përgjithshëm i Policisë së Kosovës, Shpend Maxhuni ka premtuar se imazhe sikurse të ditës së djeshme, të kidnapimit të policëve nuk do të ndodhin më dhe qytetarët nuk do ti shohin. Ai ka thënë se "Policia e Kosovës do ti përgjigjet me të gjitha mjetet në dispozicion ndonjë përpjekje të tillë sikurse të shtunën'.

Në një intervistë për RTK-në, Maxhuni ka thënë se 'policët nuk janë keqtrajtuar dhe se PK-ja do të vazhdoj që ti kryej detyrat e saj konform obligimeve ligjore dhe kushtetuese edhe në kufirin me Serbinë".

Sipas tij, partnerët ndërkombëtarë, KFOR-i dhe EULEX-i kanë vendosur komunikim me autoritetet serbe dhe policët shpejt do të lirohen.

Tashmë një komision ushtarak i KFOR-it ka dalur në vendngjarje për të analizuar rrethanat e kidnapimit të policëe. 

Bregu: Serbia duhet të shkëputet nga e kaluara

Ministrja e integrimit e Shqipërisë, Majlinda Bregu tha se është e rëndësishme që Serbia të kuptojë se në rrugën drejt BE-së duhet të braktis mentalitetet e vjetra nacionaliste. “Nuk flitet për të patur kthim dhe as do të ketë kthim ndonjëherë të shtetit të Kosovës”, ka thënë Bregu në intervistë për Radio Kosovën.

Lidhur me mos zbatimin e marrëveshjeve të arritura në dialogun që po zhvillohet në Bruksel, Bregu tha se është Kosova ajo që e pëson.

“Më shumë se sa kushtet që do të vendosë Bashkimi Evropian, besoj se kjo gjë duhet të jetë e qartë për autoritetet serbe në radhë të parë. Në qoftë se me të vërtetë perspektiva, në të cilën besojnë se është perspektiva e ardhmërisë së Serbisë duke pranuar edhe shtetin e ri të Kosovës (një realitet që tashmë nuk ka kthim), është një perspektivë, e cila orienton Serbinë drejt Bashkimit Evropian, kjo është perspektiva që Serbia duhet ta ndjekë, pavarësisht se sa të forta apo të zbutura mund të jenë herë pas here, gjuha, deklaratat apo kushtet e vendosura nga Brukseli”.

“Ky nuk është proces që po negociohet tashmë dhe nuk flitet për të patur kthim dhe as do të ketë kthim ndonjëherë të shtetit të Kosovës dhe as të pavarësisë së Kosovës. Pra, ajo që është e rëndësishme për Serbinë, është që Serbia të kuptojë që perspektiva e saj e qartë, rruga e saj drejt Bashkimin Evropian, është një rrugë që duhet të kalojë domosdoshmërisht dhe me shkëputje dhe largimin apo braktisjen e mentaliteteve të vjetra nacionaliste”, tha ajo.

Ndërsa e pyetur se çfarë problemi ka në krijimin e institucioneve të përbashkëta mes Shqipërisë dhe Kosovës për t’i dhënë më shumë shtysë dhe ndihmë procesit të integrimit sidomos të Kosovës, shteti të ri në Bashkimin Evropian, Bregu ka thënë se “institucionet e përbashkëta të Shqipërisë, të Kosovës dhe të vendeve të tjera që aspirojnë dhe të vendeve të tjera që janë sot në Bashkimin Evropian, janë në Bruksel”.

Këshilli Kombëtar Shqiptar për Beneluks

Thaçi: Maqedonia shtet fashist

17/03/2012

Maqedonia është një shtet artificial ndërsa maqedonasit janë bërë më fashistë se para 20 viteve. Kështu tha mbrëmë në një intervistë për ‘Ora Neës’, lideri i opozitës shqiptare Menduh Thaçi. Duke komentuar incidentet e fundit, vrasjen e dy të rinjve shqiptarë në Gostivar, rrahjen e nxënësve shqiptarë, dëmtimin e dyqaneve të shqiptarëve në Shkup, Thaçi tha se incidentet nuk janë sporadike dhe se prapa tyre qëndrojnë institucionet e shtetit. “Vazhdoj të konstatoj se Maqedonia është një shtet artificial, një shtet eksperimental, kinse ‘multietnik’, kinse etnik e kështu me radhë. Kryeministri i tanishëm Gruevski jo pa dashje, jo mos dashje por ka një urrejtje mbi 90 përqind për shqiptarët .Maqedonasit 20 mijë herë janë më fashist se para 20 vjetëve dhe 20 mijë herë janë bërë më të fuqishëm ndaj shqiptarëve se para 20 vjetëve. Vazhdoj të them se këto nuk janë incidente sporadike dhe pas tyre incidenteve qëndrojnë institucionet e shtetit dhe ne nuk duhet të bëhemi jo serioz dhe ti apelojmë atyre institucioneve që ti zbardhin këto raste, këtu drejtësia aplikohet me selektivitet” , tha Menduh Thaçi, kryetar i PDSH-së.Ai tha se gjithçka filloi me Enciklopedinë e Akademisë, fyerjet në tekstet shkollore, brohoritjet kundër shqiptarëve në terrene sportive. “Në terrenet sportive kur reprezentacioni i Maqedonisë luante me Gjermaninë, fyheshin shqiptarët aty merrnin pjesë funksionarë të lartë shtetërore dhe ajo nuk ndërpriteshe, si u thash në fillim të emisionit, ashtu siç veproi Hitleri me nazistët dhe fashistët ashtu edhe këtu u vepru. Forca politike që ishte në qeverisje tanë kohën sillej me përgjumje dhe sigurisht se efekti i gjithë këtij nacionalizmi, i gjithë kësaj fryrje dhe gjithë këtij trimërimi të maqedonasve do të jetë dhuna mbi shqiptarët”, tha Menduh Thaçi, kryetar i PDSH-së. Thaçi tha se pafuqia, mposhtja dhe përkulja e plotë e BDI-së para partnerit të koalicionit reflekton me këtë dhunë dhe me këtë trembje të shqiptarëve. Ai tha gjithashtu se shumë shpejt Maqedonia do të ndeshet me probleme tjera dhe do të jetë e detyruar që ti futet çështjes së zgjedhjeve të parakohshme ose Qeverisë së përgjithshme që ta nxjerrë vendin nga kriza. Kreu i PDSH-së doli në mbështetje edhe të deklaratës së kryeministrit të Kosovës Hashim Thaçit, i cili ditë më parë tha se nëse preken kufijtë në Ballkan atëherë shqiptarët do të jetojnë në një shtet. “Është shumë e drejtë deklarata e Hashimit për shkak se ju e dini se dolën disa fjalë të kota muhabete të kota, identiteti kosovar paska një gjuhë tjetër gegërishtja, idiotizma të pa tolerueshme, tash janë dy shtete por ne jemi të gjithë shqiptarë dhe ardhmëria sido që të jetë do të jetë e përbashkët. Është ëndërr historike dhe dëshirë që vjen nga zemra”, tha Menduh Thaçi, kryetar i PDSH-së. Thaçi tha se deklarata e kryeministrit të Kosovës, Hashim Thaçi, flet për një mundësi të zhgënjimit të shqiptarëve prej rrugës së integrimeve duke shtuar se deklarata e tij ka të bëjë më tepër në një porosi shumë serioze ndaj bashkësisë ndërkombëtare.

Në Tirana do të mbahen protesta kundër dhunës ndaj shqiptarëve të Maqedonisë

Shoqata të shumta patriotike në bashkërendim me Tifozat Kuqezi do të organizojnë nesër një protestë në Tiranë para ambasadës së Maqedonisë. Organizimi i kësaj protestë bëhet në shenjë revolte ndaj incidenteve të fundit dhe dhunës së shfrenuar ndaj shqiptarëve të Maqedonisë. Në njoftimin e përbashkët të këtyre shoqatave thuhet se protesta e tyre është nxitur nga vetë dhuna sistematike ndaj vëllezërve shqiptarë në Maqedoni si dhe arrestimet e shqiptarëve nga policia sllavo-maqedonase, e cila i mbron huliganët sllavë. “Thirrja jonë do të jetë dhe për rikthimin e trevave shqiptare në Maqedoni në shtetin e tyre amë Shqipëri si dhe ribashkim mbarëkombëtar territorial të Shqipërisë", nënvizohet në njoftimin e organizatorëve të protestës. Protesta është paraparë të fillojë në orën 12:00 para ambasadës së Maqedonisë.

Shovinizmi sllavomaqedonas ka arritur pikën kulmore, aq sa mbrëmja e djeshme ka qenë e mbushur me akte të shumta barbarie. Portali i lajmeve ‘Zhurnal’ bën të ditur se dyqaneve të shqiptarëve në lagjen Gjorgje Petrov mbrëmë u është vënë zjarri nga piromanë sllavo-maqedonas. Zjarri i është vënë edhe urës së drurit, e cila lidh vendbanimin Llokë me lagjen Nerez. Një incident tjetër është shënuar edhe në lagjen Shutkë, ku katër persona kanë sulmuar fizikisht një të ri shqiptar. Ata pasi që e kanë rrahur atë fizikisht, kanë shtënë në ajër me armë zjarri, duke u larguar nga vendi i ngjarjes, përcjell agjencia e lajmeve INA.

elegacioni i Vetëvendosjes kryesuar nga  Albin Kurti dhe Shpend Ahmeti, gjatë ditës së dytë të qëndrimit në Bruksel, kanë zhvilluan takime në Komisionin Evropian, ku janë pritur nga drejtori i përgjithshëm i Drejtoratit për zgjerim, Stefano Sannino, zëvendësi i tij, z. Korte, drejtori për çështje të Kosovës, Bosnjës dhe Hercegovinës, Shqipërisë dhe Serbisë, Pjer  Mirrel dhe bashkëpunëtorë të tyre.  Në takim, të dyja palët kanë shfaqur qëndrimet në lidhje me zhvillimet e fundit politike në Kosovë, me theks të veçantë në zhvillimet pas raundit të fundit të dialogut, si dhe për sfidat e Republikës së Kosovës në rrugën drejt Bashkimit Evropian, e që përfshijnë por nuk janë të kufizuara në sovranitetin e vendit, institucionet e brishta, si dhe nivelin e lartë të korrupsionit dhe mungesën e zhvillimit ekonomik, thuhet në një komunikatë të lëvizës Vetëvendosje!

Hasani: Veriu po shkon drejt një lufte të re

Deputetët e opozitës kanë kërkuar nga Qeveria që të heq dorë nga praktika e koncesioneve në Bruksel. Këto reagime kanë pasuar deklaratën e komandantit të KFOR-it, Erhard Drews, sipas të cilit, nevojitet një zgjidhje politike për veriun. Po kaq kritikë kanë qenë edhe deputetët e pozitës. Njëri ndër ta ishte edhe Nait Hasani nga PDK, i cili paralajmëroi se mund të ndizet edhe njëherë një luftë në Kosovë. “Deklaratat e KFOR-it dhe EULEX-it janë mjerane. Edhe deklaratat e Robert Cooper’it po tregojnë se ne nuk kemi pasur asnjëherë bisedime teknike me Serbinë. Kjo tregon që ne nuk kemi pasur një pavarësi të mirëfilltë. Ne kemi pasur një pavarësi jo të kontrolluar, por të shkatërruar. Ne kemi pasur vetëm kënaqjen e epsheve të disa njerëzve. Ata që mendojnë se me bisedime politike mund të zgjidhin çështjen e veriut gabojnë dhe ndezin edhe një luftë në Kosovë”, ka thënë Hasani. Në anën tjetër, deputetja nga radhët e LDK, Teuta Sahatqiu ka thënë se Qeveria po vazhdon të bëjë pazare në kurriz të sovranitetit të Kosovës. “Fatkeqësisht, pas fusnotës, Qeveria tani po hyn në bisedime për veriun, duke dhënë një pas një koncensione dhe duke rrezikuar edhe sovranitetin e shtetit”, ka thënë ajo.

Mesiq: Ndryshimi i kufijve në rajon vetëm një iluzion

Ish-kryetari i Kroacisë, Stipe Mesiq ka thënë se janë iluzionistë të gjithë ata që mendojnë se do të ketë ndërrime kufijsh në Ballkan. Këto komente ai i bëri pas takimit që zhvilloi me zëvendëskryeministrin e Kosovës, Hajredin Kuçi. “Kosova është shtet dhe kjo është e qartë për të gjithë. Arkitektura e Evropës me mëvetësinë e Kosovës ka përfunduar dhe këtu më nuk do të ketë ndryshime. Ka iluzionistë, të cilët mendojnë se edhe Bosnje Hercegovina mund të ndërrohen dhe kufijtë e Evropës në këtë pjesë mund të ndërrohen, por në këtë mënyrë mendojnë vetëm iluzionistët”, citohet të ketë thënë ai. Sipas tij, e rëndësishme është që të ketë liri të lëvizjes, duke shtuar se Serbia nuk është e detyruar të njohë pavarësinë e Kosovës, porse ajo duhet të mos e pengojë lirinë e njerëzve dhe mallrave. Në këtë mënyrë, ka qartësuar Mesiq, rajoni do të funksiononte në të gjitha aspektet. Më pas, ai ka zhvilluar një takim edhe me krye-kuvendarin, Jakup Krasniqi.

Pavarësisht tri luftërave tona  të fundit çlirimtare, pavarësisht shpalljes së pavarësisë së Kosovës, më 17 shkurt të vitit 2008 dhe njohjes së saj nga 88 shtete të botës,  pavarësisht dy marrëveshjeve të arritura mes shqiptarëve, serbëve dhe sllavo-maqedonasve në “Marrëveshjen e Konçulit”, të shkurtit të vitit 2001 dhe “Marrëveshjes së Ohrit”, të gushtit të vitit 2001, pavarësisht disa të arriturave në drejtim  të homogjenizimit kulturor kombëtar të shqiptarëve, çështja shqiptare në Ballkan rrezikon të degjenerohet, nëse përfundimisht, ne shqiptarët nuk organizohemi dhe nuk e marrim fatin në duart tona. 

Osmani: Bashkëpunimi me Thaçin i domosdoshëm

 

Shkup, 10 dhjetor - Opozita shqiptare nuk ka alternativë tjetër përpos bashkëpunimit. Kështu ka thënë në emisionin “Rruga drejt” kryetari i RDK-së Rufi Osmani. Ai ka thënë se nuk bëhet fjalë për bashkim me PDSH-në, por për bashkëpunim të opozitës.

Osmani tha se me liderin e PDSH-së Menduh Thaçi, pas një kohe të gjatë janë takuar në një organizim të përfaqësuesit të Komunitetit Bektashian në Tetovë.

Në atë takim, kanë qenë të pranishëm edhe ambasadori amerikan Vollers dhe zv.kryeministri Musa Xhaferi. Osmani paralajmëroi se shumë shpejt do të ulet me Menduh Thaçin për të konkretizuar bashkëpunimin dhe se nuk sheh asgjë të keqe në këtë bashkëpunim.

“Ne jemi në një fazë kur situata dhe rezultatet pas elektorale imponojnë që në një farë mënyre ti falim njëri tjetrit , ti shtrojmë çështjet hapur. Unë them nëse bëjmë një paralele ndërmjet rastit Osmani-Thaçi dhe rastit Ahmeti dhe Gruevski. Deri para do kohe VMRO-ja dhe Gruevski cilësonin UÇK-në si organizatë terroriste, ato në 2001, në njërën anë Ahmeti udhëhiqte UÇK-në ndërsa Gruevski ishte ministër i financave i armatës dhe këto luftonin me njëri tjetrin. Kishim pasoja të vrarë nga të dy anët me dëme të mëdha dhe ato sot komunikojnë në mënyrë normale”, ka thënë Rufi Osmani, kryetar i RDK-së.

 

Tërnava: Të mos lejohet hyrja e ekstremistëve fetar në Kosovë

 

 

Kreu i Bashkësisë Islame të Kosovës, Myftiu Naim Tërnava, u ka bërë thirrje institucioneve të sigurisë që t’i kontrollojnë mirë kufijtë, pasi vlerëson se në Kosovë po hyjnë individë të dyshimtë, të cilët përmes aktiviteteve fetare po synojnë indoktrinimin e rinisë me frymë ekstremiste.Në një intervistë për Radio Kosovën, ai kërkon nga besimtarët myslimanë që të mos bien pre e asnjë interesi të ngushtë, pavarësisht se nga vjen ai, ndërsa në këtë drejtim pret edhe bashkëpunimin nga ana e institucioneve.“Fatkeqësisht edhe sot në Kosovë ende hyjnë njerëz pa kurrfarë kriteri, hyjnë persona të paftuar, hyjnë persona dhe individë, të cilët nuk ia duan të mirën Kosovës. Ata nuk janë zyrtarë dhe mysafirë të Bashkësisë Islame. Ata po mundohen që një pjesë, në veçanti rininë, ta indoktrinojnë. Për këtë duhet të jemi shumë syçelë. Ministria e Punëve të Brendshme, EULEX-i dhe Qeveria në përgjithësi, duhet t’i kontrollojnë kush janë ata njerëz. Unë nuk mund t’i kontrolloj kufijtë e Kosovës, pasi nuk është punë e imja, por dua të deklarojë botërisht se ata individë që kanë ardhur në Kosovë nuk kanë ardhur me ftesën e Bashkësisë Islame”, ka thënë Tërnava.Ai rithekson kërkesën për futjen e lëndës së edukatës fetare në shkolla dhe ndërtimin e xhamive të reja në qendër të Prishtinës.
“Parlamentarët e Kosovës janë të zgjedhurit e popullit dhe duhet t’i kenë parasysh kërkesat që dalin nga populli dhe zbatimi i lëndës fetare është kërkesë e besimtarëve të Kosovës”, ka thënë myftiu Tërnava, duke shprehur besimin se BIK do të gjejë mënyrën dhe mundësinë që në bashkëpunim me institucionet e vendit që edhe lënda fetare dhe shamia të lejohen në shkolla.Për më tepër, Myftiu Tërnava thotë se dhuna është e papranueshme për Bashkësinë Islame dhe vetë fenë Islame. Ai konsideron se Kosova është duke e mbajtur një balancë të mirë me shtetet islame dhe ato jo islame.“Unë mendoj se po udhëhiqet një politikë e mençur edhe me botën islame. Sigurisht që duke përjashtuar ndonjë shtet të mundshëm që nuk ka raporte të mira me SHBA-në dhe BE-në, gjë që reflektohet edhe në politikën tonë të ërditshme”, është shprehur Myftiu Tërnava./k/p/

 

Prishtinë-Vjenë, edhe një avio linjë e re

 

Sot, u realizua fluturimi i parë Vjenë – Prishtinë – Vjenë, që është një linjë e re e aviokompanive “Flaj Niki” Air Berlin dhe “Eurokoha”.
Shtimi i këtij destinacioni u bë falë bashkëpunimit të ngushtë me menaxhmentin e ri të Aeroportit Ndërkombëtar të Prishtinës.
Në konferencën për gazetarë këtë linjë të re fluturimi e prezantuan Ollaf Shteinhilb, menaxher i përgjithshëm i Kosova Airlines dhe Joakim Trauner, menaxher rajonal i “Flaj Niki”. U bë e ditur se fillimisht, gjatë sezonës së verës do të realizohen dy fluturime në javë, të mërkureve dhe të premteve, për të vazhduar në të ardhmen e afërt me tri fluturime në javë. Poashtu u tha se tani e tutje nuk do të ketë më monopol në linjën për në Vjenë, për çka edhe çmimet do të jenë më të ulëta, duke filluar prej 45 euro për një drejtim, ndërsa bileta kthyese do të jetë 249 euro. Ndërsa menaxheri rajonal i “Flaj Nikit”, Joakim Trauner tha u shpreh i emocionuar pasi tashmë aviokompania e tyre në bashkëpunim me “Eurokohën” kanë zgjeruar fluturimet e tyre edhe me linjën e re Vjenë – Prishtinë dhe anasjelltas, duke e rritur kështu numrin e fluturimeve edhe në një kryeqytet tjetër në Ballkan, përveç fluturimeve që realizojnë për në Sofje dhe në Bukuresht. Eurokoha, Kosova Airlines është kompania e parë vendore e fluturimeve, e cila operon në shumë destinacione evropiane nga Aeroporti i Prishtinës.
Eurokoha është lider në fluturimet nga Aeroporti Ndërkombëtar i Prishtinës për shumë qytete të Gjermanisë, dhe njëra nga kompanitë udhëheqëse në fluturimet nga ANP-ja për në Zvicër, ndërsa prej sot Eurokoha- Kosova Airlines shton edhe fluturimet në Austri me destinacion Vjenën.

Berisha Serbisë: Hiqu prej veriut

 

 

 

 

Kryeministri shqiptar, Sali Berisha ka mbrojtur fuqishëm Kosovën në fjalim e tij para Asamblesë së Përgjithshme të OKB-së. Ai u ba bërë thirrje venedve anëtare të OKB-së që ta njohin Kosovën e pavarur duke e vlerësuar si aktor të rëndësishëm të stabilitetit në rajon.

Berisha është ndalur edhe në zhvillimet në veri duke i bërë thirrje Serbisë që të tërhiqet dhe të mos ndikojë në këtë pjesë të Kosovës. “Për shumë vjet pjesa veriore e Kosovës është shndërruar në vend të krimit të organizuar, prandaj përkrahim fuqishëm përpjekjet e qeverisë së Kosovës për të vendosur ligjin atje”, ka thënë Berisha.

Kryeministri shqiptar ka komentuar edhe raportin e Dick Martyt duke thënë se aty nuk ka asnjë të vërtetë, porse Shqipëria është e gatshme për bashkëpunim të plotë me EULEX-in. /indeksonline/cajle

 

Vajza e Gostivarit për “Miss Norvegjia“

 

 

Bukuroshja në foto është Arita Fejzullahu, një shqiptare e lindur në Oslo të Norvegjisë, e cila është duke u konsideruar si një kandidate potenciale për “Miss Norvegjia 2011”.

Arita Fejzullahu, një vajzë me prejardhje nga Gostivari ndërsa nënën nga Bosnja, është një modele e njohur në Skandinavi. Ajo në vitin 2007 është kurorëzuar me çmimin “Miss Skandinavia e Shqiptarëve” ndërsa në vitin 2010 fitoi çmimin “Miss Skandinavia 2010”.

Në një bisedë për Telegrafi.com bukuroshja shqiptare ka treguar se ndihet me fat që është pjesë e këtyre evenimenteve.

“Unë jam kandidante për ‘Miss Norvegjia’ dhe për ta përfaqësuar Norvegjinë në ‘Miss Bota’. Po ashtu jam zgjedhur fytyra e vitit ku këtë titull unë kam fituar dy vite radhazi që për mua do të thotë shumë. Unë kam qenë ‘Miss Skandinavia’ dhe nëse fitoj në ‘Miss Norvegjia’ do ta përfaqësoj Norvegjinë në ‘Miss Bota’”, ka thënë Arita, duke shtuar se ndihet shumë krenare që është shqiptare.

“Unë me mbështetjen e familjes, miqve dhe fansave, kam vendosur të konkurroj në këtë garë dhe jam shumë e emocionuar dhe më duhet ta përmendi që jam shumë krenare që jam shqiptare. Babi im është nga Gostovari ndërsa nëna gjysmë shqiptare dhe gjysmë boshnjake, e që më bënë mua të jem edhe pak boshnjake”, është shprehur Fejzullahu.

Arita përveç që merret me modelim ajo është duke vazhduar edhe studimet në farmaci. 

 

Selmani: Do ta regjistrojmë vetë diasporën

Lideri i Demokracisë së Re (DR) Imer Selmani, tha se DR nuk do ta bojkotojë regjistrimin e popullsisë, dhe paralajmëroi se partia e tij do të bëj regjistrimin e diasporës. “Demokracia e Re nuk do të ftojë shqiptarët në bojkot për regjistrimin. Ne jemi të vetëdijshëm dhe të bindur thellë se me bojkot vetëm do të çojmë ujë në mullirin e politikave antishqiptare të Qeverise aktuale VMRO-DPMNE dhe BDI që dëshiron të nxjerrë shqiptarët më pak se ç’jemi këtu në vendin tonë. Demokracia e Re do të organizojë regjistrimin e shqiptarëve, nënshtetas të Maqedonisë në të gjitha vendet e Evropës dhe SHBA-ve”, tha Selmani. Ai sqaroi se regjistrimin e diasporës do ta realizojnë në bashkëpunim të ngushtë me shumë OJQ, veprimtarë dhe aktivistë të çështjes kombëtare, në periudhën kur në Maqedoni do të mbahet regjistrimi. “Kështu, autoriteteve të shtetit do t’iu përdëftojmë edhe një herë se jemi shumë më tepër nga ajo që ata tentojnë të na paraqesin”, theksoi Selmani, duke shtuar se kjo politikë është vazhdim i politikave përjashtuese për shqiptarët.  Sipas tij i tillë është edhe vendimi i  pushtetit aktual që të miratojë edhe Ligjin për regjistrim të popullsisë i cili, sipas Selmanit përjashton nga regjistrimi mbi 250.000 shqiptarë të cilët punojnë përkohësisht në kurbet.
“Me votimin e Buxhetit për vitin 2011 ku qindra miliona euro të popullit prap do të harxhohen edhe vitin e ardhshëm në përmendore, buste, muze e porta triumfale, mazhoranca qeveritare VMRO-DPMNE dhe BDI e vulosi realizimin praktik të Enciklopedisë famëkeqe, antishqiptare, anti-NATO, anti-UE dhe izoluese për vendin”, tha Selmani.

 kushtet nëpër shkolla Përmirësohen

Përpos investimeve në Shkollën e mesme teknike në Gostivari, sivjet investime ka pasur edhe në disa godina të tjera shkollore si në qytet ashtu edhe nëpër fshatrat për rreth. Në shkollën fillore “Përparimi” në fshatin Çegran, në këtë vit shkollor nxënësit mësojnë në kushte të volitshme mjedisore, falë investimit të Komunës së Gostivarit. Në tre godinat shkollore, atë qendrore, atë periferike dhe në Forinë, para fillimit të vitit të shkollor, janë riparuar komplet nijet sanitare, janë zëvendësuar dyert e dëmtuara me të reja, janë lyer muret e brendshme dhe të jashtme, si dhe një sërë riparimesh tjera të nevojshme, me qëllim të krijimit të kushteve të volitshme për zhvillim normal të mësimit. Gjithashtu shkolla qendrore është furnizuar me materiale teknike për zyrat si printer, fotokopje dhe materiale tjera. Vlera e përgjithshme e investimeve kap shifrën prej rreth 250.000 denarë, mjete këto të buxhetit të komunës së Gostivarit.
 

Në Debresh të Gostivarit, synetim me rreth 200 mijë euro

Në kohën kur kriza globale ekonomike ka përfshirë gjithë botën dhe shumë njerëz ndjejnë pasojat serioze të saj, qoftë edhe gjatë përpjekjes për të siguruar nevojat  elementare të jetës, disa qytetarë nuk i shmangin shpenzimet e qindra mijëra eurove për një dasmë sa më të veçantë dhe të pazakontë.
Në fshatin Debresh të Gostivarit prej 2 ditësh po organizohet një synetim, për të cilin mendohet se janë shpenzuar rreth 200 mijë euro. Grupe folklorike, këngëtarë të njohur të estradës shqiptare, madje edhe lufta me rreth 100 pehlivanë që kanë ardhur nga vende të ndryshme të rajonit dhe Maqedonia, janë vetëm disa nga aktivitetet e pazakonta të këtij organizimi. Por këtyre shpenzimeve marramendëse i është shtuar edhe prenotimi i helikopterit, qiraja 1 orëshe për të cilin kushton 2-300 mijë euro. Babai kishte vendosur që djalin ta shëtiste me helikopter përpara synetimit.
“I përshëndes të gjithë mysafirët dhe këngëtarët që kanë ardhur sonte në këtë festë të madhe. Ju përshëndes me gjithë zemër, ju falënderoj me gjithë zemër.. Ma keni bo zemrën mal, ishalla ua kthej të gjithëve për të mirë”, tha Shazo Ferati.
Sabri Fejzullai, Leonora Jakupi, Sinan Vllasaliu, Ilir Shaqiri, Ermal Fejzullai, Shkurte Fejza, Remzije Osmani, ishin vetëm disa nga rreth 15 këngëtarët e ftuar në dasmën e familjes Ferati. Edhe këngëtarët ishin mjaft të kënaqur nga ky organizmin sipas të cilëve, rrallëherë ndodh.
“Nuk kam kënduar nëpër dasma, mirëpo sinqerisht u mahnita shumë. Nuk mund t’i them dasmë përveç se një festë shumë e madhe... një madhështi, se kisha besuar se do të jetë e llojit të tillë”, u shpreh Leonora Jakupi, këngtare.
“Për mua është një dasmë shumë e veçantë e cila ndodh shumë rrallë, zakonisht kombinohemi në dasma shumë emra të ndryshme, por kështu kombinime me kaq shumë këngëtar nuk ka pas”, theksoi Shkurte Fejza, këngëtare.
Edhe pse organizuesit e dasmës nuk kanë dashur të tregojnë për shumën e shpenzuar, mendohet se shifra arrin deri në 200 mijë euro. Familja Ferati jeton në Zvicër dhe është pronare e një firme private. Por dasmat e tilla me harxhime marramendëse janë bërë zakon për këtë periudhë 2 mujore, veçanërisht në fshatrat e Gostivarit. Pak kohë më parë në fshatin Gradec, edhe një nuse është marrë me helikopter, prenotimi i të cilit i kaloi 30 mijë eurot.

Kryeministri Hashim Thaçi paralajmron njohje të reja për Kosovën

Kryeministri i Kosovës, Hashim Thaçi, ka shprehur bindjen se shumë shpejt e do të rritet numri i vendeve që do të njohin pavarësinë e Kosovës. Kreu i qeverisë theksoi se gjithcka është duke u zhvilluar në drejtim të njohjeve të reja dhe forcimit të shtetit, ndërsa nënvizoi se në mbledhjen e nesërme të Këshillit të Sigurimit, Kosova do të prezantohet në mënyrë dinjitoze nga ministri i jashtëm Hyseni dhe partnerët ndërkombëtarë. “Procesi do të ecë vetëm përpara dhe do të ketë njohje të sigurta. Pra, procesi i pavarësisë së Kosovës, i konsolidimit dhe i njohjeve, do të njeh një fuqizim të ri gjithë ndërkombëtar”, u shpreh kryeministri Thaçi, pas takimit që zhvilloi me përfaqësuesit e Shoqatave të dala nga lufta e Ushtrisë Çlirimtare të Kosovës. Me iniciativë të Rusisë, të martën do të zhvillohet mbledhja e Këshillit të Sigurimit për Kosovën, e para e këtij lloji, që kur Gjykata Ndërkombëtare e Drejtësisë, paraqiti mendimin këshillëdhënës për ligjshmërinë e shpalljes së pavarësisë së Kosovës.

Gostivar, helikopterë nëpër dasma !

Gostivar, 29 korrik –  Krahas “adeteve” të tjera të shumta nëpër dasmat shqiptare të Gostivarit dhe rrethinës, gjatë sezonit të dasmave të sivjetshme është duke ndodhur një tjetër dukuri e pazakontë. Harxhimeve marramendëse të dasmave, në dy dasma u janë shtuar edhe pagesat për shpenzimet e helikopterëve të marra me qira.
Në fshatin Gradec të Gostivarit, në ditën e martesës nusja ka zbritur në shtëpinë e dhëndrit me anë të helikopterit. Ky rast nuk është i vetëm, gjatë fillimit të muajt gusht është paralajmëruar edhe një tjetër rast ku në funksion sërish do të vihet helikopteri. Babai ka vendosur që djalin ta shëtis me helikopter përpara se djali me ju nënshtruar operacionit të synetit. Krahas helikopterit, dasma që organizohet nga një banor i fshatit  Debresh të Gostivarit, pronar i një firme private në Zvicër, do të jetë një atraksion tjetër për publikun, do të rikthehet tradita e ndeshjeve me pelivana.

Asnjë alternativë tjetër përveç barazisë së plotë mes shqiptareve dhe maqedonasve, EU-së dhe NATO-së

Politika mund të realizohet vetëm mbi vlerat e njerëzores, tha Ali Ahmeti në 8 vjetorin e Bashkimit Demokratik për Integrim. “Për tetë vite me radhë, jemi përpjekur që të realizojmë synimet historike të shqiptarëve duke e mbështetur angazhimin tonë mbi vlerat kyçe të barazisë, lirisë dhe solidaritetit, kemi dëshmuar se politika mund të realizohet vetëm mbi vlerat e njerëzores dhe mund të gëzojë përkrahjen e popullit vetëm nëse i përmbahet marrëveshjes me të”.

Bashkimi Demokratik për Integrim festoi 8-vjetorin e themelimit.
BDI-ja u formua në qershor të vitit 2020. Në zgjedhjet parlamentare në vitin 2002, 2006 dhe 2008, partia e fitoi shumicën e votave të shqiptarëve në Maqedoni.

BDI-ja në përbërjen aktuale të Kuvendit ka 18 deputetë, ndërsa veçmë dy vite është në koalicionin qeveritar. Bashkimi Demokratik për Integrim është e vetmja parti politike në Maqedoni dhe në Ballkan që për 8 vite reshtë ka fituar të gjitha zgjedhjet e zhvilluara, si lokale, parlamentare, presidenciale.

Në solemnitetin e rastit kryetari i BDI-së Ali Ahmeti tha se BDI-ja është krijuar me një qëllim sublim, të përfaqësimit të popullit shqiptar, punë e cila sipas liderit Ahmeti këtë mision e bëmë në një kohë përplot sprova, të cilat jo vetëm që nuk kanë përfunduar, por vijnë para nesh gjithnjë e më të mëdha e gjithnjë e më intensive.

Politika mund të realizohet vetëm mbi vlerat e njerëzores, tha Ali Ahmeti në 8 vjetorin e Bashkimit Demokratik për Integrim. “Për tetë vite me radhë, jemi përpjekur që të realizojmë synimet historike të shqiptarëve duke e mbështetur angazhimin tonë mbi vlerat kyçe të barazisë, lirisë dhe solidaritetit, kemi dëshmuar se politika mund të realizohet vetëm mbi vlerat e njerëzores dhe mund të gëzojë përkrahjen e popullit vetëm nëse i përmbahet marrëveshjes me të”.
Marrëveshjes së Ohrit, sakrifica jonë kolektive

Lideri Ahmeti duke vlerësuar lartë Marrëveshjen e Ohrit, tha se për tetë vite me radhë koncentruam angazhimin tonë politik, në realizimin e plotë të Marrëveshjes së Ohrit, sepse në themelet e kësaj Marrëveshjeje është vendosur sakrifica jonë kolektive, lufta jonë për barazi dhe drejtësi si dhe orientimi euro-atlantik i shqiptarëve si njeri ndër popujt më të vjetër të Evropës.
______________________________________________________________________________

Thaçi: O konflikt, o zgjedhje të parakohshme!

Përmendet vetëm mosmarrëveshjet etnike mes shqiptarëve dhe maqedonasve por ju jeni dëshmitarë se ka mosmarrëveshje të thella mes maqedonasve të cilat mund të çojnë në konflikt.

Kryetari i Partisë Demokratike Shqiptare sot kërcënoi se nëse nuk mbahen zgjedhje të parakohshme parlamentare, mund të shpërthejë ndonjë konflikt. Ai tha se ato patjetër duhet të mbahen pas muajit qershor.

“Nuk ka zgjidhje tjetër të situatës. O konflikt, o zgjedhje të parakohshme.

PDSH-ja e preferon këtë mënyrë më të butë demokratike të zgjedhjeve të parakohshme për shkak se situata nëse zhagitet kështu është situatë konfliktuoze.

Përmendet vetëm mosmarrëveshjet etnike mes shqiptarëve dhe maqedonasve por ju jeni dëshmitarë se ka mosmarrëveshje të thella mes maqedonasve të cilat mund të çojnë në konflikt.

Mbyllja e perspektivës drejt BE-së dhe NATO-s i humb shpresat edhe minimale të Maqedonisë për mbijetesë. Zgjedhjet e parakohshme janë zgjidhja më e mirë e problemit tash për tash”, deklaroi kryetari i PDSH-së, Menduh Thaçi.

___________________________________________________________________________

 

 

 

 

 

Ruga  e F,Cajle me ne fund  u shtrua me asfallt  ruga qe perdoret edhe nga shum fshatra 
“Kjo rrugë ka qenë një golgotë e gjatë me të cilën janë ballafaquar qytetarët e fshatrave Çegran, Forinë, Çajlë, Balindoll dhe një pjese të qytetit.Përfundimisht kjo golgotë e merr epilogun e saj përfundimtar në kuptim pozitiv. Kostoja totale e kësaj rruge i tejkaloi 300.000 euro dhe është financuar nga mjetet e Bankës Botërore, nën implementimin e Agjencionit për rrugë shtetërore. Komuna kryesisht i ka asistuar firmës që ekzekuton punët në të gjitha aspektet pa ndonjë kompenzim, me qëllim që të mund të arrijmë deri në këtë ditë sot, u shpreh kryetari i komunës”.

Me këtë rast Kryetari Osmani përcolli një mesazh: “I uroj qytetarët e këtij rajoni që u tejkalua ky problem i madh dhe marr përgjegjësi që kurrë në mandatin tim, nuk do të bëhen rrugë në këtë mënyrë,  rrugë kjo e cila kryesisht u nis për motive politike dhe shkaktoi një kosto të lartë. Të gjitha projektet e kësaj natyre do të duhen të realizohen duke pasur parasysh interesat e qytetarëve dhe në dobi të qytetarëve”


 

 

 

 

 

Rruga që asfaltohet ka një gjatësi prej 1362 metra, gjerësi të asfaltit prej 6 metra dhe trotuare nga të dyja anët me gjerësi 1 metër.

Kushtetuta është një letër e cila mund të ndryshohet dhe duhet të pësojë ndryshime-thotë Halili. Maqedonia sipas tij, duhet të jetë union i dy popujve apo i dy republikave, brenda kufijve ekzistues. Nëse nuk merret parasysh kjo kërkesë, atëherë Maqedonia nuk mund të ekzistojë si shtet unitar-deklaroi më tej Halili.

______________________________________________________________________________________________________________________
 

Kryetari i Preshevës vizitoi Gostivarin, ngushëllime familjes Jakupi

Gostivar, 16 mars - Kryetari i komunës së Gostivarit, Rufi Osmani ka pritur për vizitë kryetarin e komunës së Preshevës, Ragmi Mustafa si dhe kryetarin e këshillit komunal,   Skender Destani.
Në takim u bisedua edhe për thellimin e bashkëpunimit mes dy komunave si dhe për sfidat dhe këmbimin e përvojave në lëmi të ndryshme. Mes tjerash z. Mustafa theksoi idenë e bashkëpunimit në sferat e kulturës, arsimit si dhe organizimin e një vizite nga administrata e komunës së Gostivarit në komunën e Preshevës.
Me këtë rast, drejtuesit e komës së Preshevës kanë përcjell ngushëllime në emër të gjithë banorëve të komunës së Preshevës për vrasjen tragjike të Mahir Jakupit nga fshati Forinë,i cili javë më parë u gjet i vrarë në afërsi të Preshevës, duke theksuar se kjo paraqet një akt jonjerëzor dhe presin që organet kompetente të dënojnë të dyshuarin për vrasjen e kryer.
 

Intelektualë shqiptarë: Cila është gjuha e dytë zyrtare në Maqedoni?

Shkup, 11 mars - Xheladin Murati, ka zbardhur një sërë të problemeve në përdorimin e gjuhës shqipe. "Shqiptarët nuk janë kundër mësimit të gjuhës maqedonase në sistemin arsimor, por që ajo të mësohet siç është projektuar me projektin për arsimin fillor nëntëvjeçar, përkatësisht, nga klasa e katërt. Nuk ekzistojnë aspekte pedagogjike, psikologjike dhe socio-linguistike që nxënësit shqiptarë, nga klasa e parë t'i nënshtrohen një projekti trilingual - të mësojnë shqip, anglisht dhe maqedonisht. Kjo është e panevojshme dhe tej mase, dhe i tejkalon të gjitha kapacitetet dhe potencialin intelektual të nxënësve", tha Murati. Bajram Pollozhani, ndërkaq, mendon se në Kushtetutën nuk është saktësuar qartë se cila është gjuha e dytë zyrtare në shtet, përkatësisht, ceket se gjuhë tjetër zyrtare është ajo që e flasin së paku 20 për qind të qytetarëve. Sipas tij, korniza kushtetuese-juridike në raport të arsimit ka depërtuar mjaft në praktikë dhe tani është mundësia që ajo të zgjerohet. Vllado Popovski, profesor në Fakultetin juridik, tha se duhet realisht të shqyrtohen të gjitha problemet dhe ashtu të vendosen në dialogun në shoqëri. Sipas tij, duhet të ketë reformë themelore të arsimit, sepse nga marrëdhëniet ndëretnike, posaçërisht ndërmjet maqedonasve dhe shqiptarëve, varet qëndrueshmëria e shtetit, ndërkaq që duhet të valorizohet edhe çështja e reciprocitetit të të dy palëve në arsim. Për Mersal Bilallin, më e keqja është, siç tha, të satanizohet një realitet. "Duhet të shikohemi në pasqyrë. Nëse jemi përcaktuar për parime bashkëkohore evropiane, duhet t'i respektojmë ato parime. Duhet t'i respektojmë të gjitha kulturat, të gjitha gjuhët, ashtu që mësimi i gjuhës së njërit dhe të tjetrit, duhet të jetë kultura jonë. Çdo satanizim i kësaj çështjeje është satanizim i ardhmërisë së njerëzve", mendon Bilalli.

 

DR: VMRO-DPMNE dhe LSDM mos luani me shqiptarët

6 mars- Në rast se nuk ndërpritet niveli i këtill i kuminikimit Demokracia e Re do të konstatojë se faji për keqësimin dhe acarimin e marrëdhënieve ndëretnike bie pikërisht mbi VMRO-DPMNE-në dhe LSDSM-në dhe politikat e tyre ndarëse dhe destruktive, tha përfaqëuesi i sekretariatit për marrëdhënie me publikun i DR-së, Visar Ramadani

Demokracia e Re ka reaguar ndaj akuzave që bënë dje mes tyre VMRO-DPMNE dhe LSDM lidhur me ngjarjet tragjike të Bit pazarit, Gostivarit, Ladorishtit dhe luftën e vitit 2001.

Në rast se nuk ndërpritet niveli i këtill i kuminikimit Demokracia e Re do të konstatojë se faji për keqësimin dhe acarimin e marrëdhënieve ndëretnike bie pikërisht mbi VMRO-DPMNE-në dhe LSDSM-në dhe politikat e tyre ndarëse dhe destruktive, tha përfaqëuesi i sekretariatit për marrëdhënie me publikun i DR-së, Visar Ramadani
“DR pyet publikisht edhe VMRO-DPMNE-në edhe LSDM-në, cili është qëllimi i tyre kur përkujtojnë Bit Pazarin, Gostivarin, Universitetin e Tetovës, konfliktin e armatosur të vitit 2001? Mos vallë në këtë mënyrë iu lajthiten votuesve të tyre duke i përkujtuar se sa brutal kanë qenë në disciplinimin e shqiptarëve dhe refuzimin e aspiratave të tyre legjitime për barazi individuale dhe kolektive në këtë vend? Nga ana tjetër, DR nuk dëshiron të besojë se të dy partitë duke përkujtuar këto raste famëkeqe dërgojnë mesazh deri te shqiptarët se të njejtat mund edhe të përsëriten”, pyeti Visar Ramadani nga DR.
Në vazhdën e përplajseve politike, VMRO-DPMNE dje akuzoi kreun e LSDM-së Cërvenkovski për incidentin e vitit 1993 në Bit Pazar, ku sipas VMRO-DPMNE-së u ushtrua dhunë brutale mbi shqiptarët. Ndërsa nga LSDM-ja u kundërpërgjigjën duke thënë se se incidenti i Bit Pazarit nuk është asgjë nëse krahasohet me luftën e 2001-it dhe viktimat e rëna gjatë asaj periudhe.

Bashkimi Demokratik Kombëtar kërkon debat për federalizimin e Maqedonisë

3 mars “Në këtë tryezë duhet të marrin pjesë përfaqësues të të gjitha subjekteve politike shqiptare, përfaqësues të bashkësive fetare dhe sektorit joqeveritar, ku do të diskutonim për argumentet rreth federalizimit të Maqedonisë, si e vetmja më...

ADILI I ÇON SELAM OSMANIT

Kujdes nga lojërat e Nikolla Gruevskit

Kryetari i Frontit Demokratik të Bashkimit Kombëtar, Gafur Adili ka kërkuar nga kryetari i komunës së Gostivarit, Rufi osmani, i cili ka paralajmëruar formimin e një partie të re politike, para opinionit shqiptar t’a shpalos profilin e subjektit të ri politik. Kryetari i FDBK-së, Gafur Adili vlerëson se Rufi Osmani para se të formojë partinë duhet të tregojë për profilin e saj, do të jetë parti me program kombëtarë, si PDSH, BDK dhe BDSH, apo parti me koncept qytetar si BDI, DR apo PPD. Sipas Adilit, Osmani duhet të shfaq qëllimet dhe synimet e rikthimit të tij në politik si dhe përcaktimin e tij për avancimin e çështjes shqiptare në Maqedoni.

“A do të jetë avancimi i çështjes kombëtare të shqiptarëve nën IRJM, apo do të jetë vetëm rreximi i Zotit Ali Ahmeti nga pushteti pa pushtet dhe ulja e tij në kolltukët e buta e të ngrohta të Zotit Gruevski?!” shtron dilemën Adili.

Sipas informacioneve të FDBK, Gruevski falë politikës nacionaliste dhe refuzimit për të ndryshuar emrin, planifikon zgjedhje të parakohshme në pranverë për të fituar një mandat të ri katërvjeçarë. Adili pohon se projekti i Gruevskit për të përzënë nga qeveria BDI-në dhe zëvendësimin e saj me DR-në e Imer Selmanit ka dështuar, prandaj gjykatat maqedone kanë rikthyer dosjet për rastet e Hagës, të cilat prekin edhe liderin e BDI-së Ali Ahmetin.

“Duhet pat shumë kujdes nga lojërat e Nikolla Gruevskit me CO”, këshillon Osmanin, kryetari FDBK-së Gafur Adili.

 

Ismaili: Shqiptarët, popull privat në Maqedoni

 

Statusi i shqiptarëve në Maqedoni, i takon aspektit obstruksional, të fushës private. Analistët shqiptarë vlerësojnë se maqedonasit mbrojnë të drejtat e tyre si shtetas të vërtetë të Maqedonisë. “I kujt është shteti? Në bazë të konceptit që prodhon VMRO, shqiptarët këtu janë popull privat. Të drejtat tona në nivel institucional janë të barabarta me ato të kinezëve, që vijnë këtu për çështje tregtie. Nëse ky shtet promovohet dhe funksionon në nivel institucional, si shtet që nënkupton i maqedonasve, atëherë natyrisht se ata do të kërkojnë të vendosin përmendore të interesave të veta, sepse mendojnë se shteti është i tyre dhe mund të bëjnë çfarë të duan. Ne mund të bëjmë përmendore, kemi të drejtë por kjo është në sferën private” tha Ymer Ismaili, analist politik. Sipas Ismailit këtë çështje duhet ta rregullojnë politikanët të cilët kanë marrë përgjegjësi që të mbrojnë interesat e popullit. I të njëjtit mendim është edhe analisti Hamit Aliu, i cili tha se faji më i madh qëndron tek faktorët politik që përfaqësojnë popullin. “Ky fat po na ndjek që prej vitit 1990 e këndej. Njëherë e përgjithmonë, nuk duhet të ngurrojmë që të kërkojmë atë që na takon. Sa i takon hises, nuk kërkojmë as më pak as më tepër. Kërkojmë aq sa ne participojmë në Maqedoni, aq sa na takon në buxhetin e shtetit”, tha Hamit Aliu, analist ekonomik. Sipas tij, shqiptarët janë të diskriminuar në çdo hap, si në pushtet, kulturë, shkencë, arsim, dhe në çdo hapësirë tjetër, kurse tash po diskriminohen edhe me vendosjen e përmendoreve. “Në mënyrë sistematike, në plan të caktuar ky pushtet i bën krejt këto budallallëqe kundër nesh. Por për fat të keq, nuk po mundemi të ngremë fjalën tonë në mënyrë institucionale, sepse vetëm gazetat shqipe e alarmojnë atë. Kjo është një marrëzi që e bën qeveria e Maqedonisë, njëherë e përgjithmonë duhet të ndahet ky hov”, shtoi Aliu. Ndërkaq, vetëm për pamjen vizuale të projektit “Shkupi 2014”, janë harxhuar 153 mijë euro. Për përpunimin e fontanës, në qendër të Shkupit janë paguar 840 mijë euro, për përmendoren e Aleksandrit të Madh, vetëm në projekt janë dhënë 650 mijë euro, për bustin e Filipit me katër fontana një milion euro. Gjithashtu për heroin Karposh janë harxhuar 200 mijë euro, Shën Kliment dhe Ohridski 78 mijë euro. /azemine selmani/

 

Osmani: “Shkupi 2014 - bie ndesh me kushtetutën”

Gostivar, 12 shkurt - Kryetari i Komunës së Gostivarit Rufi Osmani gjatë një konference për media të realizuar pas takimit me ambasadorin e Turqisë , duke komentuar projektin qeveritar ‘Shkupi 2014” ka thënë se projekti në fjalë bie ndesh me Kushtetutën dhe frymën e Marrëveshjes së Ohrit ndërsa si investim vjen në kohë të gabuar.
Sipas kryetarit të Gostivarit do të kishte qenë mencuri politike që kjo garniturë politike, të ndërpresë realizimin e këtij projekti sepse sic tha me realizimin e tij do thellohet kontesti ndërkulturor në Maqedoni ,ngase vlerat që promovohen në projekt janë vlera që kryesisht bien ndesh me brendinë etnike të Maqedonisë.

Osmani mbështet iniciativën e DR-së

Gostivar, 11 shkurt – Kreu i Komunës së Gostivarit, Rufi Osmani është shprehur se ai dhe grupi i tij i këshilltarëve, do të mbështesin iniciativën e Demokracisë së Re për ndërtimin e shtatores së Xhemë Hasës në sheshin e qytetit të Gostivarit, edhe pse sipas tij, kjo iniciativë në bazë të predispozitave ligjore, nuk do të mund të realizohet, pa pësuar ndryshimi i së njëjtave.  
“Gjatë debatit për këtë iniciativë, do t’i ftojmë përfaqësuesit e Demokracisë së Re që të argumentojnë kërkesën, unë ju premtoj publikisht se kjo kërkesë do të përkrahet nga grupi i këshilltarëve të opsionin “Është koha për ndryshime”, mirëpo realisht pa ndryshimin e ligjeve në fuqi sa i përket kësaj çështje, kjo iniciativë nuk mundet praktikisht të realizohet”, nënvizoi Osmani.
 

DR dhe ekspertët shqiptarë tribunë kundër “Shkupi 2014”

Ekspertë dhe personalitete publike shqiptare kanë shprehur argumentet e tyre politike dhe shkencore kundër projektit “Shkupi 2014”. Vlerësimet janë dhënë në tribunën e organizuar nga Demokracia e Re, ku gjatë debatit janë shprehur personalitete të jetës publike, politike, fetare dhe shkencore.
Analisti dhe publicisti Nijazi Muhamedi ka theksuar se në këtë debat pa paragjykime politike, në Maqedoni po instalohet një gjeografi kulturore në bazë të së cilës sipas tij po mbillet historia maqedonas në sheshin e Shkupit. “Këtu kemi edhe figura kontraverse të historisë maqedonase si Nikolla Karev, apo Goce Dellçev, sepse nuk është e prerë se ata i takojnë bullgarëve apo maqedonasve. Ato njëherë do të vendosen dhe nuk mund të shkulen kur do t`i teket dikujt. Mendoj se do të ketë reagime edhe nga bullgarët. Ne si shqiptarë duhet të kemi kujdes dhe të mos biem pre e diskursit politik maqedonas se çfarë duam. Pse lihet në harresë dhe heshtje trashëgimia ilire, e cila na takon neve si mbreti Justinian, Skupi i vjetër, etj”, ka theksuar Muhamedi.

Salla e Sporteve, pas 5 viteve ende pa përfunduar

Gostivar, 14 shkurt - Edhe pas më shumë se pesë vite, nxënësit e shkollave të mesme komunale të Gjimnazit dhe Ekonomisë në Gostivar, vazhdojnë të shohin sallën e sporteve në oborrin e shkollës, ende pa përfunduar.
Mbi 5.000 nxënës që mësojnë në këto dy shkolle, edhe pas pesë gjeneratave vazhdojnë që lëndën e edukatës fizike ta ndjekin në një sallë të vogël dhe të vjetër, e cila as për së afërmi nuk përmbush kërkesat dhe nevojat e dy shkollave.
Drejtori i shkollës së mesme komunale të Gjimnazit në Gostivar, Arben Ademi thekson se kushtet për zhvillimin normal të lëndës së edukatës fizike, u takojnë atyre të periudhës primitive.  
“Do ta kisha quajtur turpi i shekullit 21, ministria e arsimit dhe qeveria nuk kanë aspak veshë që të dëgjojnë zërin e 5 mijë nxënësve në qytetin e Gostivarit, të cilët vazhdojnë që në një sallë të vogël të mbajnë orën e edukatës fizike. Ndodh që në atë sallë, në të njëjtën orë të jenë edhe shtatë klasa me nxënës”, thekson Ademi.

Zyrtarizohet kërkesa e DR-së

Gostivar, 10 shkurt – Iniciativa e kryesisë dhe kryetarëve të nëndegëve të Demokracisë së Re në Komunën e Gostivarit për ndërtimin e shtatores së Xhemë Hasës në sheshin e Gostivarit, ka kaluar në labirintet institucionale.
Një delegacion i kësaj partie, i udhëhequr nga deputeti Sulejman Rushiti dhe kryetari i degës, Lavdrim Veliu, edhe zyrtarisht kanë deponuar kërkesën deri te Komuna e Gostivarit, për dhënien e lejes së ndërtim të shtatores në sheshin e qytetit.  
“Iniciativën e Këshillit komunal të Demokracisë së Re në Gostivar, për ndërtimin e shtatores së Xhemë Gostivarit, sot edhe në rrugë zyrtare e dorëzuam në Këshillin komunal, respektivisht në Komunën e Gostivarit. Vlerësojmë së në këtë mënyrë Këshilli komunal shumë shpejt do ta vendos në rend dite dhe se do të vendos pozitivisht, pra do të jep leje për vendosjen e shtatore të një figure, do të thosha më markante e historisë më të re shqiptare në trevat tona”, theksoi Rushiti.

Thellohet bashkëpunimi me Turqinë

Gostivar, 11 shkurt - Bashkëpunimi më i thellë me komunat turke, shtjellimi i çështjeve të karakterit lokal dhe qendror ishin disa nga pikat që u biseduan në takimin e ambasadorit të Republikës ë Turqisë në Shkup, Hakkan Arslan Okçal dhe kryetarit të Komunës së Gostivarit Dr. Rufi Osmani.
Ambasadori i Republikës së Turqisë, Hakkan Arslan Okçal, qëndroi për vizitë në komunën e Gostivarit ku realizoi takim edhe me kryetarin e komunës Dr. Rufi Osmani. Kryetari Osmani shprehu falënderim për vizitën e bërë nga ekselenca e tij dhe përkrahjen e Turqisë ndaj komunës së Gostivarit.
 

 Diskotekat në Gostivar, punojnë në të zezë

Gostivar, 3 dhjetor - Në Gostivar, për momentin nuk ka të regjistruar asnjë diskotekë legale, edhe pse si të tilla, në qytet funksionojnë me dhjetëra lokale. Çmimet enorme të marrjes së licencave, janë arsyet se pse pronarët e lokaleve të tilla, hezitojnë të aplikojnë për të siguruar dokumentacionin përkatës. Licenca vjetorë për bare të natës kushton 8.000 euro, për diskoteka 7.500 euro, përderisa për kabare 5.000 euro.
Sipas ligji për veprimtari hoteliere, organet komunale janë ato që përcaktojnë çmimet e licencave. Në Gostivar, vlera për kategoritë e lartpërmendura të licencimeve ka qenë e vërtetuar nga ana e garniturës së kaluar të Këshillit Komunal në vitin 2006, ndërkohë që përbërja aktuale, me qëllim të reduktimit të çmimeve, në seancën e fundit për vitin 2009, në rend dite kishte edhe propozimin për ndryshim dhe plotësim të vendimit për përcaktimin e lartësisë së kompensimit për marrjen e licencës për kryerjen e veprimtarisë hoteliere, por me propozim të këshilltarit nga radhët e Partisë së Re Social Demokrate (PRSD), Tani Efremovski, kjo pikë e rendit të ditës u shty për mbledhjen e ardhshme.

Rushiti: “Nuk do të lejoj vajza ime të mësoi maqedonisht”

Gostivar, 20 janar – Ish ministri i Arsimit dhe Shkencës deri në vitin 2008, njëherësh dhe deputet aktual në parlamentin republikan nga radhët e Demokracisë së Re, Sulejman Rushiti, në rolin e prindërit në ditën e parë të gjysmë vjetorit të dytë shkollorë, ka dhënë deklaratë publike për sa i përket vendimin të Ministrisë së Arsimit dhe Shkencës (MASH), që gjuha maqedonase të jetë obliguese edhe për nxënësit jo maqedonas, pikërisht nga gjysmë vjetorit të dytë shkollorë të klasës së parë fillore.
Duke zgjedhur oborrin e shkollës fillore “Ismail Qemali”, në Gostivar, ku vajza e tij ndjek mësimet e shkollës fillore, Rushiti ka dhënë mesazhin e tij se ky vendim qeveritar paraqet vetëm një eksperiment të dështuar politik, të cilin ai e krahasoi me paralelet e  përziera të viteve të 80-ta.
“Jam këtu para shkollës së bashku me vajzën time që është në klasë të parë. Në cilësinë e prindërit dëshiroi të prononcohem në lidhje me problemet e fundit që kanë të bëjnë drejtpërdrejt në ndërhyrje të nxënësve të klasës së parë. Vajza ime Lorena edhe pa mësuar në shkollë e flet maqedonishten, megjithatë unë si prind në radhë të parë nuk do të lejoj që fëmija ime të bëhet pjesë e një eksperimenti të dështuar politik që u ngjan eksperimenteve të viteve të 80-ta me të ashtuquajturat paralele të përziera. Për këtë shkak, unë nuk do të lejoi që vajza ime të merr pjesë në lëndën e maqedonishtes nga klasa e parë, të inkorporuar me diktate politike për interesa të politikës ditore”, theksoi Rushiti.
Sipas tij, ky vendim mbi gjitha jep një mesazh politik, atë se gjuha shqipe ende në këtë shtet nuk është gjuhë zyrtare, edhe përskaj Marrëveshjes së Ohrit.
“Vlerësoi se ky vendim, që e thash se po u ngjan vendimeve të viteve të 80-ta, është vendim absolutisht politik por njëherësh edhe mesazh politik për të gjithë shqiptarët se gjuha shqipe në këtë shtet nuk është gjuhë zyrtare dhe ç’është më keq se gjuha shqipe nuk do të jetë gjuhë zyrtare sipas politikës së VMRO-DPMNE-së që për fat të keq pranohet me lehtësi nga BDI-ja. Nuk do të jetë gjuhë zyrtare as edhe pas dymbëdhjetë vitesh kur këto nxënës të klasave të para do të bëhen qytetarë të pjekur dhe kur do të duhet të komunikojnë me shtetin”, tha Rushiti
Rushiti ka theksuar se ”ky vendim nuk është në të mirë të ndërtimit të kohezionit ndëretnik në shtet dhe si i tillë, sipas tij, është antikushtetues.
“Ky vendim i prish skajshëm marrëdhëniet ndëretnike për të cilat jo vetëm qytetarët e Republikës së Maqedonisë por edhe ndërkombëtarët kanë investuar kohë por edhe mjete materiale”, tha Rushiti.
Me këtë rast, Rushiti ka ftuar edhe prindërit të tjerë, ashtu si kurse ai, të veprojnë në këtë mënyrë, me qëllim që t’i thuhet jo një politike e cila është e dështuar dhe në këtë formë të  mos lejohet që fëmijët shqiptarë të bëhen pjesë e një eksperimenti të dështuar politik.  

______________________________________________________

Epo  sthot  fjala popullore  "peshkut i vjen era qe nga koka"  ashtu si keta  udheheqesit tan  qe na udheheqin  i largojn gjith ne diaspor pra ju lumt partia e intergrimit  i intergruat me shum se gjusma jasht ilirides
ajo parti qe ne fillim  fitoj votat e lira te popullit shum heqes nga regjimi i kumunistive  populli jon shqiptar hoqi shum,dhe kur erdhi demokratia  ne vendet tona  ato partia shqiptare qe donin me gjith zemer te punonin per popullin i msholet disa politikan neper burgje qe disa te jen te mir me ato tjerit  kundershtaret qe sja kan dashur kur tmiren kombit ton,  eh disa shqipofols  jan ber me ato shum te mir, pa mos menduar fare se cka i bejn vellaut te vet!!! do te doja te shkruja shum po ja qe koha sme len, aq doja te them se vendi jon  ilirida jon ende ka bura qe kan mundesin ta lirojn  popullin te jetoj ne vendin ku  esht dhe te mos mar  kuferin te dal jasht  ket mundet dhe ka mundesi ta bej ato qe kan lexuar  librat shiqptare ato qe kan ne zemer flamurin kombetar shqiptar,si qe ishte(dhe esht shiqir zotit te madheruar)  Rufi OSMANI nga komuna e gostivarit qe e ngreu flamurin ne gostivar pas  10 vite te tera DJALI serish kethehet ne skenen politike dhe  cka i  than  fshatare qitetaret djalit u gezuan pamas qe serish  do te agoj nji dit  e bardh per gjith kombin shqiptar ne vendin te ilirides .... por qka than ato shqipetar qe kan shitur veten dhe kan lishuar komente se "qenka ngre nji klish i vegjel dhe don ti kafshoj ato te medhit"aij qe ka then ket fjal as nuk beson ne zotin e madheruar aij mendon vetum ne fitimin e vet qe nji dit do te digjet nga ajo pasuri qe kur se ka merituar ne ket bot (ose i shkreti ska aq dituri dhe mendon se keshtu mendon se vepron mir,POR DO TI ISHA LUTUR QE TE LARGOJEN NGA SKENA POLITIKE DHE LE TI LIROJN ATO QE KAN  ZEMER DHE SHPYRT DHE DITURI PER MEMEDHEN QE KA HEQ SHUM KI VEND ILIRIANE-NDOSHTA ZOTI I MADHERUAR DO TJA FAL GABIMIN QE KENI BER) mendonte vetveten se esht i diqka po dhe esht sepse aij  populli e ka pranuar si vojvoda me vjen keq te shkruaj keto fjal po ja qe dikush i ka then dhe ashtu ka vepruar dhe keto populli shqiptar si haron dot, Asnjiher sdo te harojm nji gje te till qe na cojn nga e prapa keto qe shkelin voten e popullit zoti i denoft ato kur dit te mira mos pafshin, dhe se fundi dua nji gje ta them ESHTE KOHA PER NDRISHIME - JO VETUM NE GOSTIVAR POR NE GJITH VENDET TE ILIRIDES- ZOTRI PROFESOR TE DUAM SI AMERIKANET OBAMEN ASHTU DHE TI JE PER NA NE ILIRIDA -VETUM TI JE I AFT TE BALLAFAQOESH ME ATO TE PARLLAMENTIT SEPSE ZOTI I MADHERUAR TE DERGOJ QE VENDET TE ILIRIDES TI BASHKOJSH DHE TI BEJSH TE FORT ASHTU SI ESHT LIBRI JON I DASHUR ABETARJA PRA QOFSHIN TOKAT TE ILIRIDES  PER SHERBIMIN E POPULLIT TON KOMBETAR SHQIPTAR "ZOTI E BEKOFT FLAMURIN  KOMBETAR SHQIPTARE" 

Derguar nga nji lexues i regullt te cajle.com I/G