gruesse

Hier möchdi alli mini Fründe und Kollege grüesse!!

 

Ich möchdi d Céline grüesse! Finde dich mega lieb und eusi Aktione chönd amigs eifach nur vo eus stamme! Mer müend mal wieder go riite, aber ohni Zwüschefäll bim putzä gäll du!! Ond in MC müend mer au mal wieder ond vor de Polizei go Alk chaufe.. ond per Zuefall eine vo de Siemens träffe ond über d Fründin usfröge :)

Denä möchd ich natürlich au no s Evchen grüsse und ehre en dicke Kuss schicke! Du bisch en mega Schatz und ich möchdi ned das du jemals vergissisch das ich immer für dich da bin! Ond mer müend unbegint mal zämä go dance.. ich gang de au wieder mal uf d Chnü vor der!!! :) (peace horse)

Natürlich au mis Tammy-Mausi döf ich ned vergässä! Mer gsehnd eus zwar nüme so viel... aber han dich glich gern! Lueg der guet und due ned zwüschd!! *kiss* Han dich mega gern ond du besch eifach genial!

De d Kathrin isch au ned z vergässä... mer müend mal wieder go riite und chönd debii sicher au wieder mal richtig quatschä!!

Und da möchti ich na de Christof grüsse! Obwohl ich scho enttüschd bin vo der, das ich ned han döfe go Märli lose am Märlisonntig... aber besch ja glich en Schatz. Ond mit mim Gruess a dich schick ich der na es Küssli!

De grüess ich no mini ganzi KV-Klass! Mer schaffed das alli und mer sind ja sowieso di beschdi Klass wos git! *hüstel* Und natürlich speziell die wo müend näbed mer sitze und mich ushalte!

De grüess ich no de David. Du besch eifach en Schatz! Ich hoffe das mer immer so guet uschömed!!! Der schick ich au es Küssli mit dem Gruess.. ich bechome zwar fäng wundi Lippe aber es müend doch alli eis becho!

De grüess ich no de Dani! Er ond ich.. mer sind eifach das perfekte Traumpaar gäll .. äh nei s PERFEKTE-NICHT-TRAUMPAAR! Aber mer chan ned alles ha! Er heds ändlich gschafft neui Schueh z chaufe! Ich bin mega stolz uf dich Dani! Sie hend nämlich ned nur eis Loch gha... chum wieder mal mit mer id Pause... mer sind ja sowieso di flissigschde Mitarbeiter i de Budä!! Das isch ja klar! :) Nur mues ich biifüege das mer d Schueh halt au mal sed butzä...

Dezue grüess ich au d Tanja! Mini Underschdiftin... tönt scho no hart! Naja.. bisch en mega Liebi und mer müend mal wieder zämä go ässä... aber das mal ohni Stress...

Ich grüesse no d Sara.. mit ihre bin ich i di 7. Klass gange.. und du bisch en mega Liebi.. debii wot ich au no d Angie grüessä wo etz in Sydney isch! Mer dänked a dich!! Und d Joli, wo momentan im Welshe isch! Au en Gruess a dich!

De grüess ich no mini alti Klass und hoffe ehr sind alli fit!

Au a dich Steffi, Lena und Livia en liebe Gruess! Evt. gseht mer sich ja mal wieder...

Als wiiters grüess ich no d RIA! En liebe Gruess a dich und au a d LEA!! Mer müend eus mal wieder träffe... gelle! Wär sicher wieder mal luschdig!

Roman G... au dich grüess ich! Schriib mer wiiter so cooli Mails.. froit mich immer wieder!

Ich grüesse als wiiters au no s NONY.. du bisch di genialschdi Tante wos git! Debii natürlich au no mini ganzi Family und alli Lehrer vom KBZ ZUG!

Mim Götti schick ich en liebe Gruess nach Thailand!

En liebe Gruess au an NICO! Gratulation zu dim blaue Schiin!! (ich hoffe mal er isch au würklich blau! De Schiin ned din Zuestand)

Mini zwoi liebe Brieffründine vo Willerzell döf ich au ned vergässä! En ganz ganz liebe Gruess a d Sabrina und Ramona!

Die liebi Mirella isch au ned z'vergässä.. au mer müend mal wieder zämä go ässä! Ned vergässä! Huii etz bring ich no es Reimli z stand!! :)

Natürlich au de Mario! Eusi Begrüessige sind ja amigs de Hammer.. vorallem a Fäschd, oder? Easy wie au immer. En mega Gruess a dich!

De gruess ich no d Sarah R. und Andrea R. wo mit mer mal i d Schuel sind 6 Jahr! Ehr hends ja au überläbt... hoffe ohni Schade...

Und natürlich d Janine, Arijeta, Marianna, Zorica und Sara.... vo minerä Klass.. wie au d Caro, Vesna, Steffis, Sabrina ond eifach ALLI!

FALLS ICH EBBER VERGÄSSÄ HAN.. BITTE SOFORT BI MER MÄLDE. DAS ISCH NED MIT ABSICHT GMACHD!