Hallo, ich bi dr Merlin....

Ich bi in Teufenthal uf d'Wält cho und ha dört 1 1/2 Joor zämme mit anderne Chatze und Tierli ufeme Buurehof gläbt...

Eines Tages isch do ä Madame erschiene wo mir grad sympathisch gsi isch....sie hett sich für ä Chatz interessiert... und schlussemändlich au für mi entschiede ( ich ha sie au gnueg lang aghimmlet...smile)....das isch mir grad rächt cho, denn do uf em Buurehof hann ich immer um mis ässe müesse kämpfe....und ha tagtäglich vo dr Nochberschatz eini uf dr Deckel kriegt....

Nach ä paar Daag isch es denn sowit gsi....dr Madame ihri Schweschter isch mi cho abhole ud hett mi an mis neue Plätzli brocht....dört hann ich zerscht emol dr Chef dure geh und ha sie als allererschts agfaucht....mei, isch die vellicht verschrogge...

Aber nach ä paar Stund hann ich mi denn gschlage geh...und ha ihri Streicheleinheite sehr gnosse...

Ziit isch vergange...und ich ha scho paar mol gseh dass die Madame ä Garte hett...nur wenn sie ä Garte hett-wieso bin ich denn in d'Wohnig igsperrt ? Hey, Lady, das goht nid....ich wott usse....!!!....ändlich, nach 3 Wuche isch es sowit gsi...jupieh

Ich ha denn au ä Chatzetürli kriegt und so chönne cho und go wie ich grad Luscht ka hann....es gfallt mir do würklich guet !

Ich bi jetzt mittlerwile 6 Joor alt und ha im Herbscht (letscht Joor) ä Fründinli kriegt- Shela !!! Sie isch soooooooo wunderschön und ich ha sie würklich total lieb...!!! Mängisch muess ich ihre ä chli dr Chef dure geh, aber sie folgt mir ganz brav...grins...

Jo, das isch würklich ä Chatzeläbe....ä grossi Wohnig, Spielecke, guets Fuetter, ä Fründinli, ä chlins Meiteli wo eim immer striichlet und ä grosse Garte wo me cha go Müüsli fange... Was wott me meh ??

Ich sag miau, bis zum nöchschte mol....

eure Merlin