Leda

Da Leda natürlich nicht fehlen darf, jedoch allseits bekannt und abgegessen sein dürfte, erlauben wir uns die plattdütsche Interpretation zu reichen. Leda un dei Schwan Zeus sitt an'n Frühstücksdisch un ett kalorienreduziert mit upkraagt Fett. Dei Speigel von Cholesterin is belemmert, mit Grips hei möt nu warden verännert. Ok verschwiggt dei Buk leider nich dei Johr, un äbenfalls fallen ut dei Hoor. Kum Schlap hüt Nacht vör Leitungssorgen, Zeus plagen Koppweih an'n frühen Morgen. Denn miese Nachricht würd gistern bröcht, bedüst is em, 'ne Lösung bei söcht. Weihmäudigkeit is kein Vergnäugen, hei will 'beten Computern äuben mit väl Gedür, un gliek as Instieggag, nu surfen iersteneins dörch d'Intemet. Männig Menüs dau'n sick em kund. Bi ein lacht leiwlich ein roder Mund. "Escape" hei drückt un lött passieren dei Namen von Schönheit un Sex-Appeal utteikend Damen. Ein' Nam sien Og licht baukstabiert, poetisch klingt "Leda", wat imponiert. Niegier un Phantasie sünd weckt, tau seih'n, wer sick dorachter versteckt. Üm Arger un Koppweih tau vergäten, mücht hei upstunns sick vergnäugen 'n bäten. In vörut plagt all dat schlicht Gewissen. Hera ward em natürlich vermissen. Unbequem Fragen stah'n in't Huus, verstött von den Jieper up Leiwesgenuss. Hera is süss 'ne passable Fru. Polygam Männer sünd äben nich tru. Bill Clinion harr jo ok 'ne Affär, dat is noch gor nich solang her. Wo find' hei Leda? Dei Computer druckt gaut: Sei bad'ofteins in Eurotas s' Flaut. Heil Isen man möt bedächtig angah'n. Zeus häwt nu dei Tass ut Meissner Porzellan. Gägen Koppweih poor Schluck heiten Kaffee drinkt bei un leggt sick up d' Kanapee. "In 'Urgestalt' hew ick miendaach kein Chance, is woll dat best, ick verwandel mi ganz in'n Vagel, dei weltwiet utstrahlt Flair, 'n Adebor, nee, dei is tau ordinär. Ick verführ ehr as Schwan in'n Unschuldskleed, un luer ehr up mit Kontinuität. Abrakadabra, Schicksal, nimm dienen Lop, Parfümspray noch von Firma Joop."Mit Rükels anne Flüchten häwt hei sickaf un land' an 'n Eurotas up d' vörseih'n Flach. Von Wieden un Ellern vör Blick verstäken sitt Leda un rookt bie d' Strürnputtrecken. Blonn Hoor fall'n öwer dei Schullern dal, "en live" gewohrt hei sien Schönheitsideal. Ine Figur as in'n"Playboy" fotografiert. Hei bäwert un nah ehr röwer stiert, Schuu flustert Zephir dörch den Rook: "Fleig ehr doch einfach up den Schot." Un Leda schwäugt in dei vergahn Nacht in Tyndareos s'Armen, Zephir weiht sacht. Wiel Eos dei Wulken deiprod bemalt. "Bengalische Beleuchtung" von'n Häben strahlt. Ein Morgen in Natur as up'n Genrebild mit witten Schwan, doch dei schwemmt tämlich hild un schnurstracks grad up Leda tau, schlöggt mit dei Flüchten wild un stürt nu driest ehr Rauh, leggt keck den Kopp up ehren Schot ein Duft stiggt hoch, made Firma Joop. Ahn jede Schuu un gradtau ungeniert bei ehre "erogene Zonen" sacht berührt. Ehr flökrig Ort is as 'ne "Freudsche Fru", sei wier Tyndaeos so männigeins nich tru. Dei Zigarett vergläuht un ward nich mihr beacht, ganz jiep'rig sei den witten Schwan betracht'. Blot Zephir weiht, un ahn Beschattung erfolgt dei högere Begattung. Nah fix verklagen Leiwesstun' n sünd gries dei Wulken, Eos is verschwun' n. Zeus hett dei Koppweih ganz vergäten, leiwkost kort Leda noch 'n bäten, queest vör sick hen: "Dat Alibi möt ick mit Plie besorgen mi. Hera güng shoppen Viertel nah Acht, väl Tiet brukt ümmer dei Schnäppchenjagd. Wenn ick verraten Eurotas Flut, denk ick mi noch 'ne Uträd ut." Leda treckt an ehr Morgenkledasch. Mit klor'n Verstand un niege Kraasch küsst sei den Schwanenhals kokett un stickt sick dorup an 'ne Zigarett. Zeus wend' sick af, üm wegtaufleigen, lött sick noch eins von dei Wellen weigen. Dormit Leda af un tau an ein denkt, hei ehr noch 'ne witte Fedder schenkt - Dagmar Pittack -