Motocross

Ja genau, Motocross... Häsch di nid verläse... :)

Min Brüeder het glaub im 2002  agfange Jugend Motocross fahre und sit i mal bi ämä Rännä debi gsi bin bini voll agfrässä... Es isch eifach en geniale Sport und das nid nur weg de viele hübsche Manne... ;-) Ja mittlärwiilä häm mär 2005 und är fahrt immär no Motocross... :-) Momentan isch är zwar grad verletzt.... Ich säg da numä: jugändlichä Liächtsinn... ;-) So, am Kevin sini Verletzigspausä isch verbi... :-) Er dörf wiedär fahrä... Und ich glaub är hät meeega froid... Duän jetzt dänn mal aktuelli Fötäli vo sinä Töff's uf mini Page.... Ganz geili Teils... :-D Übernägsch Weekend hät är sis erschtä Rännä das Jahr --> Ederswiler (Jura)... Also, dänn wüssäd iähr ja was iähr ztuä händ.... ;-)

I de Schwiiz gits en Club extra für Jugend Motocross, nämli de SJMCC (Schweizerischer Jugend Motocross Club Schönenberg). Dä SJMCC isch im Jahr 1981 gründet worde. Momentan zählt de SJMCC über 100 aktivi Fahrer und Fahrerinne. Gstartet werde chan i de Kategorie 50ccm, 65ccm und 85ccm Klasse. Im Jahr finded ca. 15 Rännä i dä ganze Schwiiz statt wo zum Teil selber organiesiert werded oder wo i andere Verastaltige integriert sind wiä zum Biispiel imänä Rännä vom SAM.

Für alli wo no meh über Motocross wänd wüsse bitte uf de LINK  klicke...

                                                    

 

 

Gratis Homepage von Beepworld
 
Verantwortlich für den Inhalt dieser Seite ist ausschließlich der
Autor dieser Homepage, kontaktierbar über dieses Formular!