Über's Bier

 

Text: Alois Walter 

 Mir schmeckt des Bier, der Hopfasaft,

der macht mi schtark, der gibt mit Kraft,

ob's mal hell, mal dunkl isch,

die Hauptsach isch, es isch schea frisch.

 

Ob's aus em Woiza isch gebraut,

es hat mi all no aufgebaut,

ob's a Geaschtabier au isch,

die Hauptsach isch, es isch schea frisch.

 

A guates Bier, des kommt vom Fass,

des isch so herrlich, des isch was,

wenn's aus dr Flasche ois mal isch,

die Hauptsach isch, es isch schea frisch.

 

A Bier, des isch so wia a Brot,

ma drenkt es au en greaschter Not,

ond so schtats geara auf em Tisch,

die Hauptsach isch, es isch schea frisch.

 

Ja mit ma Bier, dau schtoaßt ma a,

weil ma dau so guat Proschta ka,

ob des a Mauß, a halbe isch,

die Hauptsach isch, es isch schea frisch.

 

        

powered by Beepworld