 |
ACHTUNG: Hier noch ein kleiner Hinweis !
Die Geschichten und Gedichte, auf meiner Page sind mein Eigentum,
das heisst von mir selbst geschrieben.
Um Ärger zu vermeiden, bitte ich jeden, der sie verwenden möchte,
mich vorher zu fragen ob mir das auch recht ist .
Alles klar ?
Mundartgedichte...
Imma wieda konnst das hern,
Dass Mundartgedichte g'lesn wern.
A jeda mogs, des is ganz gwiss,
Vor Freid verziagts a jedn s' Gfries.
Doch wehe dem der's lesn muass,
Der hod koa Freid, hod koan Genuss.
Der Arme muass se furchtbar blong
Und Buachstam miasam zamma trong.
Wennst das gor no soiba schreibst,
Konns sei, dasst auf da Streckn bleibst.
Furchtbar is mit dem Gedicht,
Reiman sie de Wörta net.
Hätt i g'schriem jetzt nicht,
War's ganz g'wiss koa Mundartgedich.
(a) by Roswitha Sban
Zaubableamal...
Mei kloan's Dechtal hot mi heit g'frogt,
Muatta, wer hod an's Fensta de schena Bleamal hi g'macht ?
Des war da Winta liabes Kind,
Der uns de g'froana Bleamal bringt.
Er zaubats hi an'd Fenstascheim,
Sie wern vielleicht a Nacht nur bleim.
Denn setzt moin'g a wä rmas Weda ei,
Is verschwundn, de liabliche Wintazaubarei.
Und nur de Erinnerung, mei kloana Schatz,
In deim Her'zal de werd bleim.
(a) by Roswitha Sban
s' Fruahjohr is do...
Voglgsang liegt in da Luft,
Da Lenz schmückt se mit Bleameduft !
Übaroi konnst das jetzt seng,
De Bleamal, de zum Fruahjohr kern.
Schlissebleame goidna Stern,
Jeds kloans Dirndl hod di gern.
Veigal, du zart's Fruahjohrskind,
Mit deine Blattl spuid da Wind.
Poimmudschal om am Bam,
Wacht's aus eiam Wintatram !
Es gibt ganz g'weiss koa gressre Freid,
s'Herz schliess auf zur Fruahjohrszeit !
(a) by Roswitha Sban
s' Katzal...
Eisbleame wachsn an da Fenstascheim.
S Katzal, mog am liabstn g'rod no in da warma Stum drinn bleim.
Vatramd liegt's auf'n Ofabange.
Manchmoi blindsld's miad mit an Aung,
Grod so ois mecht's ma song:
Du kim leg di zuara zu mir,
I glab des dat da a recht daun'g !
(a) by Roswitha Sban
Barbaranacht...
Heid is Barbaranacht !
Sog Madl, host deine Kerschbamzweigal
Scho in dei Kammal brocht ?
Host das g'schnittn draussn in da Koidn
Und dir a wos schens g'wünscht ?
Vielleicht dass di dei Liabsta übas Johr,
Zum Traualtar führt ?
Aba stad, varod'n derfst das fei net !
Weil sonst dei Wunsch,
Net in Erfüllung geht !
(a) by Roswitha Sban
Sunnwendfeia...
Boid is wieda so weit,
I hör scho jetzad,wia mei kloans Dechtal schreit.
Vor lauta Freid übas Sunnwendfeia.
A schens freis Platzal is ausgsuacht worn.
Hoiz und Greischpad is a scho aufg'schicht.
Und in a poor Dog,
werd da ganze Haufa dann feialich o'zint.
Mei do werd's schau,
Wia des knistad und brennt !
Wia da Rauch zum Himme rennt !
A Haufan Leid kemman dann g'laffa,
Denn sie mechtn schaun
und se a guade Brotzeit kaffa.
A g'schmackige Brotzeit und a Mass Bier.
Ja do,do bin i a dafür !
A g'siffigs, koids Bier,
Denn von dem Hoassn Feia,
Mei do kriagst an greislign Durscht.
De Kinda doan ernane Liada singa
Und zum Bestn bringa.
Und steckan a de Gossn o
Mit ernana Freid.
Juchuuuuuu Sunnwenfeia is heid !
(a) by Roswitha Sban
Üba d' Schneeramarei...
Jetzt geht's wieda o,
Mit dera g'reislign Schneeramarei.
Da dicke Nachbar, mit seina Schneeschaufe is a dabei.
I hern scho wia a blost und schnauft,
Wia ra schimpft,
Weils'n auf sein Hosnbon haud.
Jetzt kimmt a no sei Wei daher und moand zu eam.
Mei liaba Mo, mit dir is fei a G'scher !
Des brecke Schnee wegrama is doch net so schwer,
Geh weida und dua ma de Schneeschaufe her !
Dann zoag i da wia des geht.
Sie nimmt des Wintersportgerät,
Hoit's in ihra Hand wia a Atleth.
Und oans, zwoa, drei,
Ganz ohne Zögerei,
Is da Bürgasteig und Garasch'neinfahrt,
Vom vuia Schnee scho frei !
(a) by Roswitha Sban